सबस्त इन्टरटेनमेन्ट,काठमान्डौ – राजेन्द्र बस्नेतको निर्देशनमा बनेकोचलचित्र ‘प्रेम गीता’को टिजर रिलिज भएको छ। निर्माण पक्षले फिल्मको १ मिनेट ११ सेकेण्डको टिजर ओएसआरको युटुब च्यानलमार्फत रिलिज गरेको हो। टिजरमा चलचित्रका मुख्य कलाकार जाहान्वी बस्नेत,साजिद खान,सुशिल पोखरेल लगायतलाई देख्न सकिन्छ। साथै टिजरमार्फत चलचित्र लभ स्टोरी,बिछोड र एक्सन पाउन सकिन्छ।
समसायिक कथामा आधारित चलचित्रको टिजरले केहि कथा रहस्य रहेको खुलाउन खोजेको छ। चलचित्रमा प्रेमपछिको विछोडको कुरालाई उठाउन खोजेको हो की भन्ने बुझ्न सकिन्छ।
ग्रीन प्यारोटस् फिल्म प्रोडक्सन प्रालिको व्यानरमा निर्माण भएको यस चलचित्रमा सुशील पोखरेल, जाहन्वी बस्नेत, साजिद खान, आशा पौडेल, अर्जुन गुरुङ (भँगेरी डन), दीपक केसी, खुश्बु पाण्डे, माधव केसी, मानसी शर्मा, दीपशन लिम्बु, मौसम खड्का र ममता माझीको अभिनय रहनेछ।
साजिद खान प्रस्तुतकर्ता रहेको चलचित्रमा अयाज अलि खान निर्माता छन्। विनयराज पौडेल मुख्य सहायक निर्देशक रहेको फिल्ममा मौनता श्रेष्ठको लेखन, रामेश्वर हुँमागाईको छायांकन, भरत बस्नेतको संगीत, राजु किराँतको द्वन्द्व, रामजी लामिछानेको कोरियोग्राफी रहनेछ । निर्देशक बस्नेतले यसै चलचित्र मार्फत निर्देशनमा डेब्यु गर्न लागेका हुन् भने चलचित्र माघ २३ गते बाट प्रदर्शनमा आउँदै छ ।
प्रतिक्रिया