चलचित्र ‘काजी’ को अग्रिम टिकट बुकिङ

सबस्त इन्टरटेनमेन्ट,काठमान्डौ – यही जेठ ८ देखि प्रदर्शन हुने चलचित्र ‘काजी’ को टिकट बुकिङ बुधबारदेखि खुलेको छ । देशका विभिन्न हलहरूले बुधबारदेखि नै चलचित्रको टिकट बुकिङ खुलाएका हुन् ।

जसअनुसार क्युसएफएक्स सिनेमाजअन्तर्गका राइजिङ मल, पोखरा, विरगञ्ज, इटहरी, दमौली, विर्तामोड, नारायणघाट, नेपालगञ्ज, बुटवल र काठमाडौँमा विभिन्न हलमा टिकट खुलाइएको छ। सुरुवातमा क्युसएफएक्स सिनेमाजले उपत्यकामा १३ र उपत्यका बाहिर १७ सो गरी देशभर ३० सो दिएको छ ।

त्यस्तै आइनआइ सिनेमाजले सिमरा, नवलपरासी, बुटवल र काठमाडौँका लोत्से मल, विश्वज्योति सिनेमाज र एनबी सेन्टरमा गरी १९ सो दिएको छ । वान सिनेमाजले ७ सो र बिग मुभिजमा २ सो गरी आजमात्रै ६० सो पाइसकेको छ । अन्य हलहरूले सो खुलाउन बाँकी छ ।

काजी र कजिनीको प्रेम कथामा बनेका चलचित्रका निर्देशक लक्ष्मण रिजाल हुन् । चलचित्रमा अभिनेता विपीन कार्की र अभिनेत्री केकी अधिकारी मुख्य भूमिकामा छन । उनीहरूसँगै फिल्ममा गरिमा शर्मा, प्रकाश घिमिरे, हेमन्त बुढाथोकी, विशाल पहारी, विनोद न्यौपाने, रश्मी भट्ट, हिउँवाला गौतम, सन्दिपबाबु लोहनी, रोजी श्रेष्ठ, गंगा शर्मा, नवराज गिरी, बुद्धि सागर खनाल, प्रशंसा सुवेदी, कृतिका शर्मा र बाल कलाकार दिक्षिता अर्याललगायत कलाकारले अभिनय गरेका छन्।

लेखक प्रदीप भारद्धाजको कथा रहेको चलचित्रका निर्मातामा नेहान रिजाल, विकाशराज जोशी रहेका छन्। रामप्रसाद रिजालको प्रस्तुति रहेको फिल्म रिजाल एण्ड रिजाल प्रोडक्सनको ब्यानरमा निर्माण भएको हो।

असिम काफ्ले कार्यकारी निर्माता रहेको चलचित्र चिन्तन राजभण्डारीको छायांकन, कालीप्रसाद बास्कोटाको संगीत, कविराज गहतरजको नृत्य निर्देशन, ओजस्वी ओझाको प्रोडक्सन डिजाइन, रंग संयोजक श्याम कुँवर, सागर अर्यालको साउण्ड डिजाइनर र सुजिल कर्माचार्यको पार्श्व संगीत, प्रोडक्सन हेड प्रकाश हमाल, विपीन मल्लको सम्पादन, बनिश शाहको सुपरभाइजर सम्पादनमा बनेको छ।

चलचित्र श्रीराम बालाजी फिल्मस्‌ले नेपालभर वितरण गर्दैछ।