सबस्त इन्टरटेनमेन्ट,काठमान्डौ – नेपाली चलचित्र ‘भागदौड’ को ट्रेलर सार्वजनिक भएको छ । निर्माण टिमले आइतबार ओएसआर डिजिटल युट्युब च्यानलमार्फत सिनेमाको २ मिनेट लामो ट्रेलर सार्वजनिक गरेको हो ।
सार्वजनिक ट्रेलरमा मानिसको दैनिक जीवनको निरन्तर दौडधुप, संघर्ष र यथार्थलाई केन्द्रमा राखेको छ । साथै, ट्रेलरले आधुनिक समाजमा देखिने लोभ, लालच, जालझेल र ठगीजस्ता पक्षहरूबाट उत्पन्न हुने नैतिक संकटको कथा बोकेको संकेत गरेको छ । विशेषगरी चलचित्रको मुख्य भूमिकामा देखिएका अभिनेता विशाल पोखरेल नेपाल प्रहरीको बर्दीमा फिट देखिएका छन् । उनलेको क्यारेक्टरले दर्शकलाई सरप्राइज दिने दाबी अभिनेता पोखरेलको छ ।
चलचित्रमा विशालसहित अनीशा श्रेष्ठ, घनश्याम जोशी, सारा राई, शेखर चापागाईं, देशभक्त खनाल, लक्ष्मी गिरी, शंकर महर्जन र सुभाष तिमिल्सिना लगायतका कलाकारहरूको अभिनय रहेको छ । चलचित्र हिमाल उप्रेतीको लेखन र निर्देशनमा निर्माण भएको हो ।
विश्वराम विष्ट प्रस्तुतकर्ता रहेको सिनेमा यही असार २६ गते शुक्रबारबमट देशव्यापी प्रदर्शन हुनेछ । निर्माण बिष्ट ‘भागदौड’ नपत्याउने खोलाले बगाउँछ भनेको जस्तै उत्कृष्ट बनेको दाबी गर्छन् । सेन्सर समेत पास भैसकेको चलचित्रले सेन्स्मा पाएको तारिफले उत्साहित देखिन्छन् ।
अंगिरा थापा कार्यकारी निर्माता रहेको चलचित्रका सह-निर्मातामा भूपेन्द्र कुमार खड्का, सागर पुरी र सुरेश गिरी रहेका छन् । सुप्रिम म्युजिक एण्ड फिल्म्स प्रालिको ब्यानरमा निर्माण भएको चलचित्रमा दीपक बज्राचार्यको छायांकन, प्रवीन ढकालको सम्पादन, वसन्त सापकोटा र प्रकाश नेपालीको संगीत रहेको छ ।
प्रतिक्रिया