महिला उद्यमशीलताको सम्मान गर्दै म उद्यमी सीजन ४ ‘वुमन इन्टरप्रेनरशिप अवार्ड २०८३’ सम्पन्न

सबस्त इन्टरटेनमेन्ट,काठमान्डौ – नारी टिभीको आयोजनामा तथा जीकेएमसी (GKMC) को व्यवस्थापनमा निकिता पौडेल लामिछानेद्वारा म उद्यमी सिजन ४ भव्य रूपमा सम्पन्न भएको छ। कार्यक्रममा कृषि, वन तथा वातावरण मन्त्री माननीय गीता चौधरी प्रमुख अतिथिका रूपमा सहभागी हुनुभयो भने विभिन्न क्षेत्रका विशिष्ट व्यक्तित्व, उद्यमी, सामाजिक अभियन्ता तथा सञ्चारकर्मीहरूको उल्लेखनीय उपस्थिति रहेको थियो।

कार्यक्रममा महिला उद्यमशीलता, सामाजिक उद्यम तथा नेतृत्वमार्फत उल्लेखनीय योगदान पुर्‍याउने व्यक्तित्वहरूलाई विभिन्न विधामा सम्मान प्रदान गरिएको थियो। सम्मानित हुनेहरूमा माननीय इन्दिरा राना मगर, माननीय बसु माया तामाङ, आकृति राजभण्डारी, सीता न्यौपाने, योजना थापा मगर, , दीक्षा चापागाईं, , नन्दा पसाई, जुली प्रधानाङ्ग, पूनम कार्की, रेखा शर्मा, श्वेता खड्का तथा श्वेता प्रधान रहनुभएको थियो। उहाँहरूलाई ‘इमर्जिङ इन्टरप्रेनरशिप अवार्ड’, ‘वुमन इन्टरप्रेनरशिप अवार्ड’ र ‘सोसल इन्टरप्रेनरशिप अवार्ड २०८३’ अन्तर्गत सम्मान गरिएको हो। सम्मानित व्यक्तित्वहरूले आफ्ना अनुभव आदानप्रदान गर्दै महिला सशक्तीकरण, नवप्रवर्तन र आत्मनिर्भर उद्यमशीलताको महत्वमाथि प्रकाश पार्नुभयो।

कार्यक्रमको सञ्चालन सञ्चारकर्मी तथा इभेन्ट म्यानेजर सन्ध्या थापाले गर्नुभएको थियो। राष्ट्रिय गान, नेटवर्किङ सत्र, स्वागत मन्तव्य, विशेष सम्मान, सांस्कृतिक प्रस्तुति तथा बाल कलाकारहरूको आकर्षक नृत्य र सांगीतिक प्रस्तुति कार्यक्रमका प्रमुख आकर्षण बने।

यस अवसरमा ग्लोबल बैंक र सिद्धार्थ बैंकले बैंकिङ क्षेत्रबाट साना तथा मझौला उद्यम (SME) सम्बन्धी जानकारी, महिला उद्यमी बिपुला जोशीले डिआईवाई (DIY) प्रस्तुति दिनुभएको थियो। साथै साझेदार संस्था, अतिथि र बाल कलाकारहरूलाई कृतज्ञतास्वरूप मायाको चिनो प्रदान गरिएको थियो।

प्रमुख अतिथि माननीय गीता चौधरीले कार्यक्रमलाई सम्बोधन गर्दै कार्यक्रममा उपस्थित सम्पूर्ण महिला उद्यमीहरुलाई सम्मान व्यक्त गर्नु भयो। यस्ता कार्यक्रमले नारीहरुलाई विशेष अवसर प्रधान गर्ने अफ्नो धारणा राख्नु भयो र सानो बेला बाट आफूले हेर्दै र ज्ञान लिदै आएका अग्रज वयक्तित्वहरु आफू अघि देख्दा निकै खुसी लागेको बताउनुभयो। महिला उद्यमीहरुलाई आफ्नो मन्त्रालयले सहजताको बाटो प्रदान गर्ने उद्देश्यले लिएको जानकारी गराउनु भयो । सम्पूर्ण नारीहरूलाई अघि बढ्न आग्रह गर्दै नारी टेलिभिजन प्रति हार्दिक आभार ब्यक्त गर्नुभयो ,साथै नारी टिभीकी संस्थापक निकिता पौडेलले तीजमा पनि महिलाको क्षमता, नेतृत्व र उद्यमशीलतालाई प्रवर्द्धन गर्ने यस्ता कार्यक्रमलाई निरन्तरता दिने प्रतिबद्धता व्यक्त गर्नुभयो।