सबस्त इन्टरटेनमेन्ट,काठमान्डौ – यही शुक्रबारबाट रिलिज हुने मल्टिस्टारर चलचित्र ‘पिताम्बर’ नेपालसँगै अष्ट्रेलियामा पनि प्रदर्शनमा आउने भएको छ ।
अष्ट्रेलियाली बक्सअफिसमा प्रदर्शन हुन लागेको चलचित्रलाई नमस्ते इन्टरटेनमेन्ट र रगडेल ब्वायजले रिलिज व्यवस्थापन गरेको छ ।
यी वितरण कम्पनीले यसअघि ‘छक्कापञ्जा’ श्रृंखला, फर्की फर्की, प्रेमगीत ३, तेलभिसालाई पनि वितरण गरेका थिए । अस्ट्रेलियाको नेपाली डायस्पोरा पछिल्लो समय नेपाली फिल्मको ठूलो बजार मानिएको छ । अस्ट्रेलियामा फिल्मको एड्भान्स टिकट विक्री पनि खुलिसकेको छ ।
पिताम्बरले अस्ट्रेलियाभर पहिलो दिन सयभन्दा धेरै शो पाएको छ । त्यहाँका होयट्स, इभेन्टस, रिडिङ, भिलेज र लाईम लाईट लगायतका हलमा शो पाएको छ ।
केपी फिल्मस् र पुरुषोत्तम प्रधान फिल्मसको व्यानरमा निर्माण भएको चलचित्रमा कृषा चौलागाईंको निर्देशन छ । चलचित्रमा प्रदीप खड्का, दयाहाङ राई, सौगात मल्ल, आर्यन सिग्देल, अनुपविक्रम शाही, सुरक्षा पन्त, गौरी मल्ल, रविन्द्र झा, प्रमोद अग्रहरि, आर्यन सिग्देल, कामेश्वर चौरासिया, टिका पहाडी, सुलभ पहाडी, सुरवीर पण्डित, विशाल पहाडी, दिव्यदेव पन्त, सुपुष्पा भट्ट, दिव्या रायमाझी, गौरव विष्ट, आशिष पुरुष, ललित विष्ट, किशोर भट्ट, विनोदकुमार पौडेल, नारायण काफ्ले र रविन्द्र भट्टराईको अभिनय छ ।
चलचित्रमा बाल कलाकारका रुपमा आर्नव घिमिरे, प्रयुस दत्त सुवेदी, आध्य लामिछाने, आरोह चौलागाईं र सुप्रोल बुढाथोकी (अनमोल)ले समेत अभिनय गरेका छन् ।
विशाल चौलागाईं निर्माता रहेको चलचित्रमा पुरुषोत्तम प्रधान, आध्य लामिछाने र आरोह चौलागाईं सह–निर्माता, सुमन गौतम कार्यकारी निर्माता, प्रदीप भारद्वाज र अभिमन्यु निरवीको पटकथा र संवाद, पुरुषोत्तम प्रधानको डीओपी, शेरबहादुर लामा र मानकृष्ण महर्जनको छायांकन, बन्दे प्रसादको सम्पादन र ट्रेलर, आशीष अविरल र बाबुल गिरीको संगीत, हिमाल केसीको द्वन्द्व छ । चलचित्र आरआर फिल्मस्ले वितरण गर्दैछ ।
प्रतिक्रिया