सबस्त इन्टरटेनमेन्ट,काठमान्डौ – जेठ २३ गते भोली शुक्रबारबाट प्रदर्शनको तयारी रहेको चलचित्र ‘जन्ते बाख्रो’को अग्रीम टिकट बुकिङ खुला गरिएको छ । सेन्सरबाट युनिभर्सल सर्टिफिकेट पाएको चलचित्रले बुधबार साँझ आयोजित प्रिमियर शोमा समेत उत्कृष्ट प्रतिक्रिया पाएको थियो । प्रिमियर शोमा मिलेको उत्साहजनक प्रतिक्रियाको प्रभाव भोली शुक्रबारबाट हलमा देखिने विश्वास निर्माण टिमको छ ।
यसैबीच, देशभरका मल्टीप्लेक्सदेखि सिंगल स्क्रिनसम्मका हलले अग्रीम टिकट बुकिङमा चलचित्रलाई उत्साहजनक शो उपलब्ध गराएका छन् । देशकै ठुलो मल्टीप्लेक्स चेन क्युएफएक्सले काठमाडौं उपत्यकामा १७ शो र मोफसलमा २० गरी ३७ शो उपलब्ध गराएको हो । दोस्रो ठुलो मल्टीप्लेक्स चेन आईएनआई चलचित्रजले १२ शो, वान चलचित्रजले ७ शो, एफक्युब चलचित्रजले २ शो, बिग मुभिजले २ शो, बिएसआर मुभिजले २ शो गरी देशभर करिब १ सय ५० बढि शोसहित प्रदर्शनमा आउँदैछ ।
सिमोस सुनुवारको निर्देशनमा निर्माण भएको चलचित्रमा सौगात मल्ल, गरिमा शर्मा, आशिफ शाह, रमा थपलिया, लोकेन्द्र लेखक, कमल देवकोटा, विशाल पहाडी, रुशा न्यौपाने, कुसुम शर्मा, स्नेहा जोशी, समापिका गौतम, कुशल गजमेर लगायतका कलाकारहरुको अभिनय रहनेछ ।
मुईन इन्टरटेनमेन्टको प्रस्तुति रहने ‘जन्ते बाख्रो’ सामाजिक कमेडी कथावस्तुमा निर्माण भएको छ । प्रदीप भारद्धाजको कथा, पटकथा र संवाद लेखन रहेको चलचित्रको निर्माता सन्तोष गौतम हुन् । नेपाली समाजमा बेहुली भित्र्याउने दिन जन्तीलाई खुवाइने भोजलाई जन्ते बाख्रो भन्ने गरिन्छ । चलचित्रको कथावस्तु यसैको वरिपरि आधारित रहको छ ।
आगामी जेठ २३ गतेबाट नेपाल विदेशमा एकसाथ रिलिज गरिने चलचित्रमा हरि हुँमागाईको डिओपी, उत्तम हुँमागाईको सिनेमाटोग्राफी, सुनिल शिवभक्तिको सम्पादन र रोयल भिमसेन (ट्राइडेन्ट कन्सेप्ट टिम) को पोस्टर डिजाइन रहेको छ । टिफल्क फिल्मस्ले वितरण गर्ने चलचित्रको डिजिटल राइट्स जी टु वान डिजिटलले खरिद गरेको छ ।
प्रतिक्रिया